Kjuasáya kꞌuixe̱hén ti página kuènṭéni, ntihi la tsꞌintjá xroon kꞌóna ngiva la ko íso nkehe éxi tjinkaoa o̱ ticháxi̱hăn.
Ntihi la tsꞌitjá nkehe kuènṭé Ìnchéni o̱ íso nkehe tsꞌitjáxiăn ngiva, éxi:
xroon itén Dío, ti itan kjuako Jesús, salmo ko proverbio.
Kja̱xin tsꞌitjá nkehe tsꞌitjánxiăn tsokjian la ko sinchekuáxian ti ngiva, éxi xroon cuento,
xroon letra ngiva, retrato, nkehe si̱nchexroan la ko tsihín.
"Jeheni nixjani ti ngíva tóxríhi̱ni kixin tíha ti jeheni.
tja̱ko̱heni xje̱eni ti ngive̱eni,
kixin tjinkaoni kixin tsonohe xjan nketín kui̱xi̱ xjan."
Ch.J.
Ti tjinkáoa tsjínkajña xroon itén Dío la chjehé clic ntihi
Versículo del día
Mé xi̱kaha jahara kíchóni, xráxín kuitekákonara ti kuékꞌejóni nkoko̱a. A̱ndá ijie la chrókjui̱nchexiteyára kjónté ikjín itjén. Méxra̱ kaín a̱sánra chrókjuíkosáyehéra Díos la ko chrókóxakohanra chrókjuéyára ti nkehe tsjajon kjuachón kixin Díos la nta̱xráxinkaonra la ko tsjínki̱tsara si̱chꞌera ti nkehe jína tóxríhi̱n chꞌan.
Filipenses 2:12
